O pasado sábado 7 de outubro rematou a primeira edición do curso de galego para inmigrantes organizado pola Asociaciación de senegales de Ourense.
Existen diferenzas culturais profundas entre os migrantes e a sociedade que os acolle, polo que se fai indispensable establecer unhas bases para poder vivir nunha sociedade intercultural, baixo os principios de solidariedade e igualdade de oportunidades. É necesaria unha vocación de respecto e solidariedade, e niso habemos de pensar para poder presentar unha educación para unha convivencia intercultural.
As persoas migrantes necesitan, en primeira instancia, satisfacer as súas necesidades básicas de subsistencia e relación no plano laboral, familiar, sanitario, xurídico e social. O coñecemento da nosa lingua, o galego, convértese no instrumento de diálogo, entendemento e colaboración entre persoas que comparten experiencias e proxectos sociolaborais, que viven aquí e agora. A clase de lingua debe ser, pois, o lugar desde o que se tendan as pontes cara á súa nova vida.
Dende AISO contemplaron como unha necesidade a formación de obradoiros para ó achegamento á cultura galega e a adquisición de coñecementos en lingua galega.
Non podemos esquecernos de agradecer á Agrupación veciñal Miño por ceder o espazo para a realización do curso.
xeraccion.com 